Monday 5 March 2012

နွေတမာန်-၀တ္ထုတို (ဖေဖေစောင့်နေတယ်)


နွေတမာန်
ဖေဖေစောင့်နေတယ်

သားနဲ့သမီး ..
မင်းတို့ဖေဖေ အသည်းအသန်ဖြစ်နေတယ်။ ဒီတစ်ခါ ဖြစ်တာ သိပ်အခြေအနေ မကောင်း ဘူး။
ဖေဖေက သားတို့မောင်နှမကို သိပ်တွေ့ချင်နေတယ်။
အမြန်ပြန်လာခဲ့ပါ။  
မင်းတို့ကို ဖေဖေစောင့်နေတယ်။
                                                                    မေမေ
x x x x x
ကျော်ကျော်က မော်မော်ထုတ်ဖတ်နေတဲ့စာလေးကို မော်မော့် ပခုံးပေါ် ကနေ ကျော်ပြီးကြည့် လိုက်တယ်။
တကယ်တော့ ဒီစာလေးကို သူတို့မောင်နှမ ထုတ်ဖတ်ခဲ့တာ အကြိမ်ပေါင်း မရေတွက်နိုင်တော့ ပါဘူး။
ကျော်ကျော်နဲ့မော်မော်တို့ မောင်နှမက ပြင်ဦးလွင်မှာ ကျောင်း တက်နေကြတာ ပါ။  ပြင်ပဘော်ဒါဆောင်မှာ ကျောင်းအိပ်ကျောင်းစား နေကြတာပါ။
ကျော်ကျော်က ကိုးတန်း။ မော်မော်က ဆယ်တန်း။ ပညာရေး အတွက် မိဘတွေ က ငွေအကုန်ခံပြီး ပြင်ဦးလွင်ကဘော်ဒါဆောင်မှာ ကျောင်းထားပေးထားတာပါ။
သူတို့ဖေဖေဦးလွင်အောင်က နှလုံးရောဂါသည်။ အသက်ကငါး ဆယ်မပြည့်သေးပေ မယ့် နှလုံးရောဂါအခံကြောင့် အမြဲပဲ စိုးရိမ်ကြောင့် ကျနေရတဲ့လူမျိုး။
မနေ့က မေမေဖုန်းဆက်တယ်။ သူတို့မောင်နှမကို ခွင့်တိုင်ပြီး အိမ်ကိုပြန်လာခဲ့ဖို့ပြောတယ်။ လူကြုံနဲ့လည်း စာတိုလေး ရေးပေးလိုက် တယ်။
ဖေဖေအခြေအနေမကောင်းဘူးတဲ့။
သူတို့ကို ဖေဖေစောင့်နေတယ်တဲ့။
ဖေဖေ့အတွက် နောက်ဆုံးအချိန်ဆိုတာမျိုးဖြစ်မယ်ဆိုတာကို မောင်နှမနှစ်ယောက်လုံး ရိပ်မိ လိုက်ပါတယ်။
ကျော်ကျော်ရော၊ မော်မော်ရော မေမေရေးပေးလိုက်တဲ့စာတို လေးကိုဖတ်ပြီး မျက်ရည်တ စမ်းစမ်းဖြစ်နေကြတယ်။
ညကတော့ ကျောင်းအုပ်ဆရာမကြီးဆီမှာ မေမေ့စာလေးပြ၊ ခွင့်တိုင်ပြီး အိမ်ပြန်လာခဲ့ကြတာပါ။
x x x x x
မော်မော်က ကားပေါ်မှာ မေမေ့စာလေးကို ပြန်ဖတ်ကြည့်နေ တာပါ။ သူတို့ကို ဖေဖေစောင့်နေတယ်တဲ့။
ဖေဖေ့အတွက် စိုးရိမ်ပူပန်စိတ်တွေက မောင်နှမနှစ်ယောက်လုံး ရင်ထဲမှာ ပြည့်နေတယ်။
သူတို့မြို့ကိုရောက်ဖို့ မန္တလေးကနေတစ်ဆင့် ကားပြောင်းစီးရ ပါတယ်။
မြို့ကိုသွားတဲ့ ထွက်ခါနီး ဟိုင်းလက်ကားလေးပေါ်ကို မောင်နှမ နှစ်ယောက် အပြေးအလွှားတက်ခဲ့ရတယ်။
ကားပေါ်မှာတော့ လူတွေ ပြည့်ကျပ်လို့နေပါတယ်။
x x x x x
ဖေဖေ့ကိုတွေ့ချင်ဇောနဲ့ သူတို့စီးလာတဲ့ ဟိုက်လက်ကားလေးကို နှေးလှတယ် လို့  မောင်နှမနှစ်ယောက်လုံး ထင်မိကြတယ်။ ကားလေး က သူတို့မြို့ နယ်နမိတ်ထဲကို ၀င်လာနေပါပြီ။
ဖေဖေ့ကို တွေ့ချင်လှပြီ။ မြင်ချင်လှပါပြီ။
သူတို့မောင်နှမကို ဖေဖေစောင့်နေတယ်တဲ့လေ။
မောင်နှမနှစ်ယောက်သား ဖေဖေ့အတွက် စိုးရိမ်ပူပန်စိတ်နဲ့ ကားလေးပေါ်မှာ ပါလာကြတယ်။
ဒီတုန်းမှာပဲ….
ရွှီး … ဒုန်း … ၀ုန်း … ဆိုတဲ့ ကားဘရိတ်ဆွဲသံ တိုက်မိခိုက်မိသံ တွေနဲ့အတူ သူတို့စီးလာတဲ့ကားလေးဟာ လမ်းတစ်ဖက်ချောက်ထဲကို ဒလိမ့်ကောက်ကွေး ကျသွားပါတော့တယ်။
`ကားတိုက်မိပြီ၊ ကားချင်းတိုက်မိပြီ´
`အို…´ `အမလေး…´ `ဘုရားကယ်ပါ…´
ကားထဲမှာ ပါလာတဲ့ခရီးသည်တွေရဲ့ အော်ဟစ်သံ၊ ငိုယိုသံ တွေက ဆူညံသွားတယ်။
ကျော်ကျော်ရော မော်မော်ရော ကားလေးနဲ့အတူ ချောက်ထဲကို ပါသွားပါတော့တယ်။
x x x x x
ကျော်ကျော်သတိရတော့… ပတ်ဝန်းကျင်မှာ ရုန်းရင်းဆန်ခတ် အသံ၊ လူတွေလှုပ်ရှားနေသံ၊ စကားပြောဆိုနေသံတွေကို ကြားနေရ တယ်။
ကျော်ကျော်က အားတင်းပြီး လဲနေရာက ထထိုင်လိုက်တယ်။ ဘေးဝဲယာကိုကြည့်လိုက်တော့ ပက်လက်လန်နေတဲ့ သူတို့စီးလာတဲ့ ကားလေးရယ်၊ ချောက်ထဲမှာ လဲကျပျံ့ကျဲနေတဲ့ လူတွေရယ်ကို တွေ့ လိုက်တယ်။
သူတို့ကားဟာ တစ်ဖက်က ချိုးကွေ့ဝင်လာတဲ့ ကားကြီးနဲ့ တိုက်မိပြီး ချောက်ထဲကို အားလွန်လိမ့်ကျခဲ့တာကို သိလိုက်ရတယ်။
ကျော်ကျော်သတိရလာချိန်မှာ ကယ်ဆယ်ရေးအဖွဲ့ရောက်နေ ပါပြီ။ ယူနီဖောင်းဝတ်ထားတဲ့ ကယ်ဆယ်ရေးအဖွဲ့သားတွေက ဒဏ်ရာ ရတဲ့သူတွေကို ဖေးကူပေးနေကြတာ တွေ့ရပါတယ်။
ကျော်ကျော့်နားမှာတော့ ဘယ်သူမှ ရှိမနေပါဘူး။
x x x x x
ကျော်ကျော်က အားတင်းပြီး မတ်တပ်ရပ်လိုက်တယ်။ တစ် ကိုယ်လုံး နာကြင်နေပါတယ်။
မမ.. မမရော.. မမဘယ်မှာလဲ…
ကျော်ကျော့်အာရုံထဲကို ပထမဆုံးဝင်လာတာက သူ့အစ်မမော် မော်အတွက် စိုးရိမ်စိတ်ပါပဲ။
ကျော်ကျော်က ဘေးဘီဝဲယာကို လှည့်ပတ်ကြည့်လိုက်တယ်။
ကယ်ဆယ်ရေးအဖွဲ့ထဲကလူတွေ သူ့ရှေ့ကဖြတ်သွားပေမယ့် သူ့ကိုတော့ ဘာမျှ မမေးကြ၊ မပြောကြဘူး။ ဒဏ်ရာရတဲ့လူတွေနဲ့၊ သေ တဲ့လူတွေကိုပဲ သူတို့က ဂရုစိုက်နေကြပါတယ်။
ကျော်ကျော်က ကယ်ဆယ်ရေးအဖွဲ့ကယ်တင်ထားတဲ့လူတွေ ထဲမှာ မော်မော့်ကိုမတွေ့ရလို့ လဲကျနေတဲ့လူတွေထဲမှာရှာကြည့်တယ်၊
`ဟင်…´
သူနဲ့မလှမ်းမကမ်းမှာ မော်မော်ဝတ်ထားတဲ့အ၀တ်အစားနဲ့ မိန်း ကလေးတစ်ယောက်.. ပက်လက် လန် လဲကျနေတာကို တွေ့လိုက်ရ တယ်။
ကျော်ကျော် အဲဒီနေရာကို အပြေးကလေးသွားလိုက်တယ်။
`မမ… မမ…´
ကျော်ကျော်က ပက်လက်လဲနေတဲ့ မော်မော့်ဘေးမှာထိုင်ချရင်း မော်မော့်ကို စမ်းကြည့်လိုက်တယ်။
မော်မော့်မှာ အသက်မရှိတော့ပါဘူး။
`မမ.. ဖြစ်ရလေ မမရယ်´
ကျော်ကျော်က မော်မော့်အလောင်းကိုငုံ့ကြည့်ရင်း ငိုနေမိပါ တယ်။
x x x x x
ဒီတုန်းမှာပဲ.. သူ့ပခုံးကို အေးစက်တဲ့လက်တစ်ဖက် လာပုတ် တာ ခံလိုက်ရတယ်။
ကျော်ကျော်က သူ့ကိုလက်နဲ့လာပုတ်တဲ့လူကို ထိုင်ရက်ကနေ လှည့်ကြည့်လိုက်ပါတယ်။
`ဟင်.. မမ´
သူ့ပခုံးကို လက်နဲ့ပုတ်ပြီး ခေါ်လိုက်သူက တခြားလူမဟုတ်ပါ ဘူး။ မော်မော်ပါပဲ။ သူ့ အစ်မ မော်မော်ရယ်လေ။
ကျော်ကျော်ဟာ သူ့ရှေ့မှာ ပက်လက်လဲကျသေဆုံးနေတဲ့ မော်မော့်အလောင်းကိုတစ်လှည့်၊ သူ့နောက်မှာရပ်နေတဲ့ မော်မော့်ကို တစ်လှည့် ကြည့်ရင်း အံ့သြနေတယ်။
သူနားလည်လိုက်ပါပြီ။
သူ့ပခုံးကိုပုတ်ခေါ်လိုက်တဲ့မော်မော်ဟာ မော်မော်အစစ်မဟုတ် ပါဘူး။ မော်မော့်ရဲ့ ၀ိညာဉ်ပုံရိပ်သာ ဖြစ်ပါတယ်။
သေသွားတဲ့မော်မော်က သူ့ကို လာနှုတ်ဆက်တာပေါ့။
`မမ… မမ… နင်သေသွားပြီ၊ နင်သေသွားပြီပေါ့၊ ဟုတ်လား´
`ဟုတ်တယ်ကျော်ကျော်´
`သွားပါတော့၊ သွားပါတော့၊ နင်သွားပါတော့ မမ၊ နင် ငါ့ကို မခြောက်ပါနဲ့၊ နင်သွားပါတော့ မမ´
`သွားမှာပေါ့၊ နင်လည်း လိုက်ခဲ့ရမှာပဲကျော်ကျော်၊ ဟိုမှာ… တို့ ကို ဖေဖေစောင့်နေတယ်လေ´
မော်မော်က တောင်ကုန်းတစ်နေရာကို လက်ညှိုးထိုးပြရင်းပြော လိုက်တယ်။
မော်မော်ပြတဲ့နေရာကို ကျော်ကျော်ကြည့်လိုက်တော့…
သူတို့ဖေဖေဟာ တောင်ကုန်းပေါ်မှာရပ်နေတာကို တွေ့လိုက်ရ ပါတယ်။
`ဟင်.. ဖေဖေ´
`ဟုတ်တယ်၊ တို့ကို ဖေဖေစောင့်နေတယ်၊ သွားကြစို့ ကျော် ကျော်´
`မမ.. နင်ကသေပြီပဲ၊ နင် တော်ရာကိုသွားပါတော့ မမရယ်´
`ကျော်ကျော်.. လာခဲ့၊ နင့်ကိုငါပြမယ်´
မော်မော်က ကျော်ကျော့်လက်ကိုဆွဲပြီး ခပ်ကြမ်းကြမ်းခေါ် လိုက်တယ်။
x x x x x
ကျော်ကျော်ဟာ… ကြောက်ကြောက်လန့်လန့်နဲ့ပဲ မော်မော့် ၀ိညာဉ်ဆွဲခေါ်ရာကို ပါသွားခဲ့ပါတယ်။
ဝိညာဉ်ဘ၀ရောက်နေတဲ့ မော်မော့်လက်တွေဟာ အေးစက်နေ ပါတယ်။
မော်မော်က မလှမ်းမကမ်းတစ်နေရာရောက်တော့ ရပ်လိုက် တယ်။ မြေကြီးပေါ်ကို လက်ညှိုးထိုးပြလိုက်တယ်။
ကားအမိုးပေါ်မှာတင်လာတဲ့ပစ္စည်းတွေကို ဖုံးအုပ်လာတဲ့ တာ လပတ်စကြီးဟာ အဲဒီနေရာမှာ လွင့်ကျနေပါတယ်။ တာလပတ်စကြီး အောက်မှာတော့ လူတစ်ယောက်ရဲ့ ခြေထောက်နှစ်ချောင်းပြူထွက်နေ တယ်။ သူဟာလည်း ကားပေါ်မှာပါလာပြီး သေဆုံးသွားတဲ့ လူတစ် ယောက်ဖြစ်မှာပေါ့။
ကျော်ကျော်ကြည့်လိုက်တော့.. တာလပတ်စအောက်မှာထွက် နေတဲ့ ခြေထောက်နှစ်ချောင်းမှာ ၀တ်ထားတဲ့ ရှူးဖိနပ်ဟာ သူဝတ်ထား တဲ့ရှူးဖိနပ်နဲ့ အရောင်အသွေးအတူတူ၊ တံဆိပ်အတူတူဖြစ်နေတာကို တွေ့လိုက်ရတယ်။
`လှန်ကြည့်လိုက်၊ အဲဒီတာလပတ်စကို လှန်ကြည့်လိုက်စမ်း ကျော်ကျော်´
ကျော်ကျော်က တာလပတ်စကြီးကို ကုန်းပြီးလှန်ပစ်လိုက် တယ်။
တာလပတ်စကြီးလန်အသွားမှာ ပက်လက်လန်သေဆုံးနေတဲ့ လူငယ်တစ်ယောက်ရဲ့အလောင်း ကို တွေ့လိုက်ရတော့တာပါပဲ။
အဲဒီအလောင်းကတော့ တခြားသူမဟုတ်ပါဘူး။ သူ့အ၀တ်အ စားအတိုင်းဝတ်ထားပြီး သူ့နဲ့ချွတ်စွပ် တူလှတဲ့ သူကိုယ်တိုင်ပါပဲ။
ကျော်ကျော်ဟာ သူ့အလောင်းသူ မြင်လိုက်ရလို့ လန့်ပြီး ခြေ တစ်လှမ်းဆုတ်လိုက်ပါတယ်။
x x x x x
`ဒါဖြင့်..ဒါဖြင့်.. ငါလည်းသေပြီပေါ့၊ ငါလည်းသေပြီ၊ ဟုတ်လား မမ´
`နင်မြင်တဲ့အတိုင်းပါပဲ ကျော်ကျော်ရယ်၊ အဲဒါကြောင့် နင့်ကို လာခေါ်တာပေါ့´
ကျော်ကျော်ဟာ ကယ်ဆယ်ရေးအဖွဲ့သားတွေ သူ့ဘေးက ဖြတ်သွားပေမယ့် သူ့ကို မမြင်သလို မသိကျိုးကျွံပြုသွားကြတာကို … ခုတော့ သဘောပေါက်လိုက်ပါပြီ။
သူဟာ ၀ိညာဉ်ဖြစ်နေလို့ သူတို့တတွေ မမြင်နိုင်ကြတာကိုး။
x x x x x
`သွားကြစို့ကျော်ကျော်၊ နင်လည်းသေပြီ၊ ငါလည်းသေပြီ၊ ဟိုမှာ… တို့ကို ဖေဖေစောင့်နေတယ်၊ သွားကြစို့´
`ဟင်….´
တောင်ကုန်းလေးပေါ်ကိုပြန်ကြည့်လိုက်တော့.. သူတို့ဖေဖေက သူတို့ကို လက်ယပ်ခေါ်လိုက်တာ ကို မြင်လိုက်ရပါတယ်။
`မမ.. မမ.. နင်လည်း သေပြီ၊ ငါလည်း သေပြီဆိုတော ……… ငါတို့ကိုစောင့်နေတဲ့ ငါတို့ဖေဖေ လည်း ………………
x x x x x
နွေတမာန်

1 comment:

Anonymous said...

ကြောက်... ကြောက်.....